الجمعة، 6 مارس، 2015

العزلة السعيدة

أوتار العود بيقسم أحزان مرصوصة جواك ،
فستان الورد بيجسم عضلات دومها معاندة معاك ،
لو كان علي النوم أدينا نمنا ،
لو كان علي الحلم ما حلمنا ،
لو كان علي التوهة فضلينا ،
لو كان علي الشكوي ما خلينا ،
والوحدة بتنطق في عيوننا ،
الزهد براح ،
في العزلة ضمير مرتاح ،
والليل بيخاصم أفراحنا ،
ومجهولنا بيملك مفتاح ،
ما املكش إجابة ،
ولا دورت عليها في يوم مع حد ،
وإن جمعكوا شد ،
وعافرتوا من وحدتي تأخدوني ،
فأكيد راح أقفل أبوابي في وشوشكوا الكدابة ،
وهدور عندي علي سعادة . 

ليست هناك تعليقات:

إرسال تعليق