السبت، 21 فبراير، 2015

بوسة خطف

_حبيبتي .
*مبتردش عليه* 
_إنتي يا بت !
_عايز إيه ؟ 
_إحنا بقالنا قد إيه متخانقين ؟
*بتبص في الساعة*
_3 ساعات و20 دقيقة .
*بيقرب منها*
_طبعا عمالة تبصي في الساعة علشان تشوفي هاخد قد ايه لغاية ما اصالحك ، ما أنا الكبير بقي ولازم احتضنك واتفهمك والذي منه ، صح ؟
_كبير مين يا عم ؟ ثم لا اساسا كتت ببص ف الساعة يعني علشان اشوف الفيلم هيجي امتي .
*بيقرب أكتر وبسرعة ويمسكها من كتفها*
_طيب عيني في عينك كده .
*تسكت شوية وترمي نفسها في حضنه*
_لا مش هقدر أنا بغرق في عينيك !
_وأنا بغرق في حضنك يا عبيطة ،
قومي بقي سخنيلي الأكل .
*بتخرج من حضنه بسرعة*
_إيه الهبل ده ؟ هو انت مصالحني علشان اعملك الاكل ؟
_ اه امال انتي فاكرة ايه ؟
*بتزعل وتلوي وشها الناحية التانية*
_طيب مش قايمة بقي ! 
_إنتي تؤمري أصلا ، أنا اللي هعملنا الأكل بس ممكن طلب ،
*عينيها بتلمع*
_اؤمر يا روح .
*بيضحك*
_عايزك بس تقفي معايا في المطبخ كل ما أتحرك أجيب طبق أو أحط حاجة علي النار ، اسرق حضن واخطف بوسة ، ماشي ؟
*بتبوسه بوسة خطف*
_ياريت .

ليست هناك تعليقات:

إرسال تعليق