السبت، 12 يوليو، 2014

عروق بارزة

عروق بارزة
وصريخ غرزة
وناس أكتر
حكايات تكتر
ونوم يسهر
في حضن أنين
روح بتكشر
نور بيحور
وبيتشطر
علي المساكين
صريخ أكتر
يجوز أقدر
يسحبلك الروح اللي في روحك
ويأخدها وضع يد
الإبرة ليه مبتلضمش
والظلمة ليه مبتهجرش
والعمر ليه مبيقصرش
صريخ أكتر
برغم السكون
صريخ أكتر
والسما بتفسر في سكوتك
والنور مستني خلاص موتك
هانت !
ليه عيونهم قادرة تسلخ ذاتك
وتبعتر في حياتك
وتفتح في سجونك
و ليه بتبصلهم ؟!
وليه إنت لساك إنت ؟!

ليست هناك تعليقات:

إرسال تعليق